Dil-e-naadaan tujhe hua kya hai – Mirza Ghalib

Dil-e-naadaan tujhe hua kya hai – Mirza Ghalib

1
SHARE

mirza-ghalib-shayari

Dil-e-naadaan tujhe hua kya hai
aakhir is dard kee davaa kya hai

ham hain mushtaaq aur vo bezaar
yaa ilaahi ye maazraa kya hai

main bhi muunh me jabaan rakhta hai
kaash puuchho ki muddaa kya hai

jab ki tujh bin nahii koi maujood
phir ye hangaamaa ai khuda kya hai

ham ko unse vafaa kee hai ummeed
jo nahii jaante vafaa kya hai

jaan tum par nisaar karta huun
main nahii jaanta duaa kya hai

maine maana ki kuchh nahii ‘Ghalib’
muft haath aaye to bura kya hai

Poetry (Shayari) by – Mirza Ghalib

 

1 COMMENT

LEAVE A REPLY