Home Shayari in Hindi Afzal Firdaus poetry (shayari) in Hindi

Afzal Firdaus poetry (shayari) in Hindi

0

3 Ghazals of famous Urdu poet Afzal Firdaus (in Hindi) –

1. Is tarah sataayaa hai pareshaan kiya hai 

Afzal Firdaus Ghazals

Is tarah sataayaa hai pareshaan kiya hai
goyaa ki mohabbat nahiin ehsaan kiya hai

tujhko hii nahin mujhko bhi hairaan kiya hai
is dil ne badaa ham ko pareshaan kiya hai

sochaa thaa ki tum doosron jaise nahiin hoge
tumne bhi wahii kaam meri jaan kiya hai

mushkil thaa bahut mere liye tark-e-ta-alluk
ye kaam bhi tumne meraa aasaan kiya hai

har roz sajaate hain teri hizr men gunche
aankhon ko teri yaad mein guldaan kiya hai

– (Ghazal by Afzal Firdaus)

2. Kar bhii luun agar khvaab kii taabeer koii aur 

Afzal Firdaus Shayari

Kar bhi luun agar khvaab kee tabeer koii aur
seene men utar jaayegi shamsheer koi aur

ab ashq tire rok nahiin paayenge mujhko
ab daal mire paanv mein zanjeer koi aur

main shab se nahiin din kee halaakat se daraa huun
ab mere liye bhejanaa tanveer koii aur

ai mere musavvir nahiin ye main to nahiin huun
ye tuune banaa daali hai tasveer koi aur

is baar mujhe ishq kaa aazaar nahiin hai
is baar mohabbat men hai dil-geer koii aur

– (Ghazal by Afzal Firdaus)

3. Main khaaq men mile huye gulaab dekhataa rahaa 

Afzal Firdaus Urdu poetry

Main khaaq men mile huye gulaab dekhataa rahaa
aur aane vaale mausamon ke khvaab dekhataa rahaa

kisii ne mujhse kah diyaa thaa zindagii pe gaur kar
main shaakh par khilaa hua gulaab dekhta rahaa

khadaa thaa main samandaron ko ook men liye huye
magar ye shakhs ajeeb thaa saraab dekhta rahaa

vo uskaa mujhko dekhanaa bhii ik tilism thaa magar
main aur ik jahaan pas-e-naqaab dekhtaa rahaa

vo gaharii neend soii thee main neend se ladaa hua
so raat bhar sahaab-o-maahtaab dekhtaa rahaa

-(Ghazal by Afzal Firdaus)

 

LEAVE A REPLY

Please enter your comment!
Please enter your name here