Kisii jhooti vafaa se dil ko bahalaanaa nahi aata (Ghazal by Adeem...

Kisii jhooti vafaa se dil ko bahalaanaa nahi aata (Ghazal by Adeem Hashmi)

0
SHARE

Shayari by Adeem Hashmi

Kisii jhooti vafaa se dil ko bahalaanaa nahiin aata
mujhe ghar kaagazii foolon se mahakaanaa nahiin aata

zar-o-maal-o-jawaahar le bhii aur thukra bhii saktaa huun
koii dil pesh karta ho to thukaraanaa nahiin aata

parinda jaanib-e-daanaa hamesha ud ke aata hai
parinde kee taraf ud kar kabhii daanaa nahiin aata

agar sahra men hain to aap khud aaye hain sahra mein
kisii ke ghar to chal kar koii veeraanaa nahiin aata

huaa hai jo sadaa us ko naseebon kaa likhaa samjhaa
‘Adeem’ apne kiye par mujh ko pachhtaanaa nahiin aata

– Ghazal by Adeem Hashmi

 

NO COMMENTS

LEAVE A REPLY