Aam hukm-e-sharaab kartaa huun (A Ghazal by Meer)

Aam hukm-e-sharaab kartaa huun (A Ghazal by Meer)

0
SHARE

Meer Taqi Meer Shayari

Aam hukm-e-sharaab kartaa huun
mohatsib ko kabaab kartaa huun

tuk to rah ai bina-e-hasti tuu
tujh ko kaisa kharaab kartaa huun

bahas kartaa huun ho ke abajad-khvaan
kis qadar be-hisaab kartaa huun

koii bujhtii hai ye bhadak men abas
tishnagii par itaab kartaa huun

sar talak aab-e-teg men huun gark
ab taiin aab aab kartaa huun

jee men firataa hai ‘meer’ wo mere
jaagtaa huun ki khvaab kartaa huun

 

NO COMMENTS

LEAVE A REPLY