Ishq kya kya aafaten laataa rahaa (By Meer Taqi ‘Meer’)

Ishq kya kya aafaten laataa rahaa (By Meer Taqi ‘Meer’)

0
SHARE

Meer Taqi Meer Shayari

Ishq kya kya aafaten laata rahaa
aakhir ab duuri men jee jaataa rahaa

mehar-o-mah gul phool sab the par hamen
cheharii chehra hee vo bhaataa rahaa

dil huaa kab ishq kee rah ka daleel
main to khud gum hee use paataa rahaa

munh dikhaataa barson vo khush-ruu nahiin
chaah ka yuun kab talak naataa rahaa

kuchh na main samjha junoon-o-ishq men
der naaseh mujh ko samjhaataa rahaa

daag thaa jo sar pe mere sham’a saan
paanv tak mujh ko vahii khaataa rahaa

kaise kaise ruk gaye hain ‘meer’ ham
muddaton munh tak jigar aataa rahaa

 

NO COMMENTS

LEAVE A REPLY