Is ahad men ilaahii mohabbat ko kya huaa (Ghazal By ‘Meer’)

Is ahad men ilaahii mohabbat ko kya huaa (Ghazal By ‘Meer’)

0
SHARE

meer taqi meer ghazals

is ahad men ilaahii mohabbat ko kya huaa
chhoda vafaa ko un ne muravvat ko kyaa huaa

ummeed-vaar-e-vaadaa-e-deedaar mar chale
aate hee aate yaaro qayaamat ko kyaa huaa

kab tak tazallum aah bhalaa marg ke taiin
kuchh pesh aayaa waaqia rahamat ko kyaa huaa

us ke gaye par aise gae dil se ham-nasheen
maaloom bhii huaa na ki taaqat ko kyaa huaa

jaataa hai yaar teg-ba-kaf gair kee taraf
ai kushta-e-sitam tiree gairat ko kyaa huaa

thee saab-e-aashiqee kee badaayat hee ‘meer’ par
kyaa jaaniye ki haal-e-nihaayat ko kyaa huaa

– Ghazal by Meer Taqi ‘Meer’

 

NO COMMENTS

LEAVE A REPLY