Apni Rusvaai – Ghazal by Parveen Shakir

Apni Rusvaai – Ghazal by Parveen Shakir

0
SHARE

A Ghazal by famous Pakistani Poetess – Parveen Shakir

A lovely gazal of Parveen Shakir

Apni rusvaai tere naam kaa charchaa dekhoon
ik zaraa sher kahoon aur main kya kya dekhoon

neend aa jaaye to kya mahfilen barpaa dekhoon
aankh khul jaaye to tanhaai ka sahra dekhoon

shaam bhi ho gai dhundhla gaiin aankhen bhi meri
bhoolnewale main kab tak teraa rastaa dekhoon

sab ziden uski main poori karoon har baat sunoon
ek bachche kee tarah se use hansta dekhoon

mujhpe chhaa jaye wo barsaat kee khushboo kee tarah
ang ang apna usee rut mein mahakta dekhoon

tu mera kuchh nahi lagta hai magar jaan-e-hayat
jaane kyon tere liye dil ko dhadakta dekhoon

– Parveen Shakir

 

NO COMMENTS

LEAVE A REPLY