Home Hindi Jokes Wahi hoga jo 1980 me hua tha (Funny Hindi Joke)

Wahi hoga jo 1980 me hua tha (Funny Hindi Joke)

0

Funny old man Hindi joke

Ek buddha aadmi bus me kahi jaa rahaa tha ki tabhi kisi jebkatre ne uska batua saaf kar diya.

Jab buddhe ko iska ahsaas hua to wah robdaar aawaaz mein dahaadte huye bola – “Jis kisi ne bhi mera batua churaya hai chupchaap waapas kar de warna … aaj fir se wahi hoga jo san 80 me hua thaa !”

Koi bhi sawaari kuchh bhi nahi boli magar buddhe ne haar nahi maani. Woh bus mein ghoom-ghoom kar baar-baar yahi kahta raha – “chupchap mera batua waapas kar do warna … aaj fir wahi hokar rahega jo san 80 me hua tha !”

Akhirkar bus jaise hi ek jagah ruki toh ek ladka uska batua fenk kar bus se utar kar bhaag gaya.

Buddhe ne chupchap apna batua uthaya aur apni seat par baith gaya.

Ek bachche se nahi raha gaya. usne poochha – “aakhir san 80 me kya hua tha ?”

Buddha bola – “san 80 me isi tarah kisi ne bus mein mera batua chura liya tha…. aur fir mujhe paidal hi ghar waapas jaana pada tha ….”

Subscribe our YouTube channel -

 

LEAVE A REPLY

Please enter your comment!
Please enter your name here